Тэхнічны адміністратар даменаў .BY і .БЕЛ выступіў ініцыятарам петыцыі пра роўныя магчымасці для даменных імёнаў
Рэгістратуры даменаў верхняга ўзроўню звярнуліся да паштовых сэрвісаў і сацыяльных сетак з заклікам забяспечыць роўную падтрымку даменным імёнам. Ініцыятарам пэтыцыі выступіў тэхнічны адміністратар даменаў .BY і .БЕЛ.
Петыцыя адрасаваная правайдэрам найбуйнейшых інтэрнэт-сэрвісаў, якія не падтрымліваюць карэктную працу з даменамі на нацыянальных мовах. Сярод адрасатаў петыцыі - карпарацыі Google, Apple, Facebook, Twitter, Microsoft і Mail.Ru Group.
У дакуменце гаворыцца, што не ўсе паштовыя сэрвісы дазваляюць адпраўляць і атрымліваць пошту з электронных адрасоў, якія выкарыстоўваюць нелацінскія дамены. Маюцца на увазе электронныя адрасы выгляду іван@дамены.бел (дзе і лакальная, і даменная часткі адрасу напісаныя не лацінкай) і ў некаторых выпадках - info@дамены.бел (дзе толькі даменная частка напісана не лацінкай).
Аўтары петыцыі звяртаюць увагу, што не ўсе сацыяльныя сеткі падтрымліваюць карэктную працу з даменамі на нацыянальных мовах. «Пры гэтым падтрымліваемыя магчымасці адрозніваюцца для розных даменаў: так, сацыяльная сетка Вконтакте пры ўводзе ўручную распазнае дамены .РФ, але не распазнае дамены .БЕЛ.», - гаворыцца ў петыцыі.
Мы прапанавалі калегам падпісаць такую петыцыю, паколькі лічым, што з яе дапамогай атрымаецца ліквідаваць абмежаванні, з якімі кожны дзень сутыкаюцца карыстальнікі даменаў на нацыянальных мовах у Беларусі і іншых краінах, Пры гэтым многія з абмежаванняў могуць быць знятыя ў самыя кароткія тэрміны, так як гэта не патрабуе істотных матэрыяльных укладанняў або сур'ёзных тэхнічных дапрацовак.– тэхнічны адміністратар даменаў .BY і .БЕЛ
Першымі ініцыятыву беларускага боку падтрымалі прадстаўнікі ўкраінскага дамена .УКР і расійскага дамена .РФ.
Патэнцыял кірылічных даменаў нашых краін вельмі высокі. Асноўным фактарам, які стрымлівае іх развіццё сёння, з'яўляецца менавіта адсутнасць падтрымкі папулярнымі паштовымі сэрвісамі і сацыяльнымі сеткамі.– Андрэй Вараб'ёў, дырэктар Кардынацыйнага цэнтра нацыянальнага дамена сеткі інтэрнэт (адміністратар даменаў .RU і .РФ).
Петыцыя размешчана на сайце idnpetition.net. Яе ўжо падпісаў шэраг прадстаўнікоў нацыянальных і тэматычных даменаў на нацыянальных мовах. Да канца верасня петыцыя будзе збіраць подпісы. Пасля гэтага дакумент будзе дасланы адрасатам.
На момант публікацыі петыцыю падпісалі наступныя рэгістратуры:
- .БЕЛ (ТАА «Надзейныя праграмы»),
- .УКР (Аб'яднанне прадпрыемстваў «Украінскі сеткавы інфармацыйны цэнтр»),
- .РФ (Каардынацыйны цэнтр нацыянальнага дамена сеткі Інтэрнэт),
- .հայ (ISOC Armenia),
- .ДЕТИ (Фонд «Разумны інтэрнэт»),
- .МОСКВА (Фонд садзейнічання развіццю тэхналогій і інфраструктуры Інтэрнэту),
- .ОНЛАЙН (CORE Association),
- .САЙТ (CORE Association).